Вучні наведалі Беларускі тэатр «Лялька»

10 кастрычніка вучні гімназіі №7 з задавальненнем наведалі адзін з лепшых тэатраў Рэспублікі Беларусь — Беларускі тэатр «Лялька» — і засталіся ў захапленні ад спектакля «Лялькі Ціма Талера, або Прададзены смех» паводле творчасці Джэймса Круса. 😍

Беларускі тэатр «Лялька» — гэта дзясяткі спектакляў, у якіх складаныя філасофскія пытанні разглядаюцца ў займальнай, лёгкай форме, зразумелай нават самым юным гледачам. Тут куклы ўсіх вядомых відаў і канструкцый — ад маленькіх, што змяшчаюцца на далоні, да вялізных, якія запаўняюць усю сцэну, — у руках артыстаў рухаюцца, танчаць і расказваюць самыя неверагодныя гісторыі. Менавіта таму дзеці і дарослыя заўсёды ў захапленні ад гэтага тэатра. ✨

Ці ўсё можна набыць за грошы? 💰 Колькі каштуе шчасце? 🤔 І чаму аповяд пра смех не заўсёды вясёлы? 😢 Адказаць на гэтыя пытанні дапамог спектакль, які прымусіў задумацца і дарослых, і дзяцей.

Пастаноўка нагадала ўсім простую ісціну: трэба ўмець цаніць тое, што маеш, бо ніякія грошы свету не заменяць нам простыя радасці. ✨

Наведванне тэатра пакінула ў вучняў яркія ўражанні і добры настрой.