Республиканская выставка-конкурс детского и молодежного творчества «Я родным краем ганаруся»
З верасня па кастрычнік 2022 года ў Нацыянальным цэнтры мастацкай творчасці дзяцей і моладзі праходзіла Рэспубліканская выстава-конкурс дзіцячай і маладзёжнай творчасці “Я родным краем ганаруся”, прысвечаная Году гістарычнай памяці. На выстаўцы былі прадстаўлены творчыя работы ў намінацыях: “Выяўленчае мастацтва”; “Дэкаратыўна-прыкладная творчасць”; “Літаратурная творчасць”; “Анімацыйны фільм”; “Мастацкая фатаграфія”. Тэматыка работ – “Гістарычная спадчына: ад мінулага да сучаснасці”, “Нацыянальныя здабыткі: творчасць, навука і спорт”, “Беларусы: пераемнасць, каштоўнасць, адзінства”.
Арганізатарамі конкурсу выступілі Міністэрства адукацыі Рэспублікі Беларусь і Нацыянальны цэнтр мастацкай творчасці дзяцей і моладзі.
У выставе-конкурсе прынялі ўдзел выхаванцы, навучэнцы ўстаноў дашкольнай адукацыі, агульнай сярэдняй адукацыі, дадатковай адукацыі дзяцей і моладзі, прафесійна-тэхнічнай адукацыі і сярэдняй спецыяльнай адукацыі, вышэйшай адукацыі ва ўзросце ад 4 да 25 гадоў.
З гонарам адзначаем, што на выстаўцы была прадстаўлена і работа вучаніцы гімназіі нумар 7 горада Віцебска Нэлі Баранаўскай (педагог Алена Іванаўна Гінько), якая атрымала дыплом другой ступені ў намінацыі «Літаратурная творчасць».
Віншуем Нэлі і яе педагога з такім высокім дасягненням і жадаем далейшых поспехаў!